ISU O‘zbekiston yoshlar o‘rtasidagi gran-pri uchun to‘rt yo‘nalishda jami 9 ta yo‘llanma ajratdi
Xalqaro konkichilar ittifoqi (ISU) 2025/26 yilgi yoshlar o‘rtasidagi gran-pri seriyasi uchun kvotalarni e’lon qildi. Unga ko‘ra, O‘zbekiston terma jamoasiga barcha to‘rt yo‘nalish — yakka yurish (yigitlar va qizlar), juftliklar hamda raqsli juftliklar bo‘yicha jami 9 ta yo‘llanma berildi.
Yakka yurish bo‘yicha:
O‘zbekiston vakillari Turkiyada (27–30 avgust) hamda Ozarbayjonda (24–27 sentabr) bo‘lib o‘tadigan bosqichlarda ishtirok etadilar.
Juftliklar yo‘nalishida:
Sportchilarimiz Latviya (20–23 avgust), Turkiya (27–30 avgust) va Tailandda (9–13 sentabr) o‘tkaziladigan bosqichlarda o‘z mahoratlarini namoyon etadilar.
Raqsli juftliklar bo‘yicha:
O‘zbekiston terma jamoasi Turkiya va Ozarbayjondagi bosqichlarda qatnashadi.
Ayni paytda O‘zbekiston MOQ yoki mamlakatda hozircha mavjud bo‘lmagan Qishki sport turlari federatsiyasi musobaqalarda yurtimiz sharafini himoya qiladigan sportchilar ro‘yxatini e’lon qilgani yo‘q.