Ирода Сирожиддинова ўсмирлар ўртасида Жаҳон чемпионига айланди
Эквадорнинг Гуаякил шаҳрида дзюдо спорт тури бўйича ўсмирлар иштирокидаги асосий мусобақа — Жаҳон чемпионати давом этмоқда.
Дунё биринчилигининг биринчи куни беллашувлари Ўзбекистон ўсмирлар терма жамоаси учун муваффақиятли келди. Аурелио Чиприан-Флис бош мураббийлигидаги кадетларимиз 1 та олтин, 3 та бронза медалига сазовор бўлишди.
Қувонарлиси, Ирода Сирожиддинова барча рақибаларини мағлубиятга учратиб, ўсмирлар ўртасида Жаҳон чемпионига айланди.
Терма жамоамиз аъзоларидан Бобур Юсупов (-55 кг), Алина Колючева (-44 кг) ва Чарос Ҳикматова (-48 кг) жаҳон чемпионатининг бронза медалига сазовор бўлди.
Биринчи кунги беллашувлардан сўнг Ўзбекистон терма жамоаси 1 та олтин ва 3 та бронза медали билан 60 давлат орасида умумжамоа ҳисоби бўйича 2-ўринни эгаллаб турибди.
