Илҳом Ҳамроев: «Насиб қилса, кубокни Бухорога олиб кетамиз»
Бошқа спорт турлари
Иброҳим Жалолов
Редактор
PHOTO: Telegram
Хабарингиз бор, 2-июн санада Ўзбекистон кубоги финал учрашуви бўлиб ўтади.
Бош соврин учун BMB ҳамда "Oil Star" жамоалари кураш олиб боради.
Биз мазкур баҳс олдидан бухороликлар сардори Илҳом Ҳамроев билан боғландик.
«Ассалому алайкум. Финалга тайёргарликни бошлаб юборганмиз. Барчаси режадагидек кетмоқда. Баъзи ўйинчиларимизда жароҳат мавжуд, лекин финалгача улар сафга қайтади, деб умид қиламиз.
BMB жамоасининг кучли ва кучсиз томонларини ўрганиб чиқяпмиз ҳамда шунга яраша тайёрланяпмиз. Албатта, мақсад — чемпионлик. Насиб қилса, кубокни Бухорога олиб кетамиз.
Футзал ишқибозларини аренга чорлаб қоламиз. Ўйлайманки, қизиқарли, томошабоп ўйин бўлади».