Илия Топурия енгил вазнга ўтиш сабабини юракдан очиқлади
UFC собиқ чемпиони Илия Топурия вазн камайтириш жарayonининг оғир таассуротларини тасвирлар экан, нима учун енгил вазн тоифасига ўтганини самимий тарзда изоҳлади.
“Вазн ташлаётган пайтда еб-ича олмаслик ҳаётни мазмунсиз қилади. Сизга пул ҳам, машиналар ҳам қизиқ бўлмай қолади. Агар кимдир: ‘Мана, ич бу стакан сувни, вазнинг ошмайди,’ деса — мен ҳаммадан воз кечардим. Бу жуда оғир ҳолат. Гўё оч ҳолда кўчада юргандек. Жисман ва руҳан синиб кетасан. Энди бу азобни бошдан ўтказишни хоҳламайман,” — деди Топурия.
Унинг сўзларига кўра, бундай турмуш тарзи унга оғирлик қилган ва у ўзини гўё чўлда яшагандек ҳис қилган. Энди эса у тинчлик ва эркинлик истайди.
“Мен орзумга етдим — чемпион бўлдим. Энди бу бобни ёпиш вақти келди. Мен чўлда эмас, денгиз бўйида яшашни хоҳлайман,” — дея хулоса қилди у.