Қиличбозлик. Ўзбекистон чемпионатининг шпагa йўналиши бўйича ғолиблар маълум
Жиззах шаҳрида қиличбозлаик бўйича U-23 Ўзбекистон чемпионатининг ҳал қилувчи баҳслари давом этмоқда. Шпагачилар Озода Усмонжонова ва Азамат Кудейбергенов U-23 ЎзЧда чемпионликни қўлга киритди
Хабарингиз бор, айни кунларда Жиззахда қиличбозлик бўйича 23 ёшгача катталар ўртасида Ўзбекистон чемпионати бўлиб ўтмоқда.
Шпага бўйича яккалик баҳсида жами 100 нафардан зиёд спортчилар иштирок этди.
Қизлар ўртасидаги беллашувда андижонлик спортчи Озода Усмонжонова барча рақибларини мағлуб этиб, олтин медални қўлга киритиб чемпион бўлди. Муросасиз кечган финал баҳсида Озода Дилназ Мурзатаевани 15:13 ҳисобида енгиб, зафар қучди.
Эслатиб ўтамиз, шпагачи Дилназ Мурзатаева Ханчжоу-2022 Осиё ўйинларида ўзбек қиличбозлиги тарихида илк бор бронза медални қўлга киритган эди.