Қиличбозлик. U-20 Ўзбекистон чемпионатида сабля бўйича ғолиб ва совриндорлар аниқланди
Тошкент шаҳрида ўтказилган 2006 йилда туғилган ва ундан кичик спортчилар ўртасидаги U-20 Ўзбекистон Республикаси чемпионати доирасида сабля йўналиши бўйича якка баҳс бўлиб ўтди.
Мусобақада юртимиз вилоятилари, Қорақалпоғистон Республикаси ва Тошкент шаҳридан ташриф буюрган энг кучли қиличбозлар иштирок этди. Жами қарийб 80 нафар иқтидорли йигит ва қизлар мамлакат чемпионлиги учун кескин ва муросасиз баҳсларда куч синашди.
Йигитлар ўртасида:
1. Ниятали Коптелеуов — Қорақалпоғистон
2. Нурсултан Кенесбаев — Нукус ОПСТТМ
3. Саидиброҳим Алимов — Миллий клуб
3. Айназар Рахманбергенов — Нукус ОПСТТМ
Қизлар ўртасида:
1. Перизат Мавленбергенова — Нукус ОПСТТМ
2. Дарина Бабажанова — Тошкент
3. Феруза Шерниёзова — Қорақалпоғистон
3. Севара Ғаниева — Жиззах
Мусобақа ёш қиличбозларнинг маҳорати, иродаси ва ғалабага бўлган интилишини яна бир бор намоён этди.
