Қиличбозлик бўйича Жиззах мезбонлигидаги Ўзбекистон чемпионати U-13 якунланди
2026-йил 25–30-январь кунлари Жиззах шаҳрида бўлиб ўтган U-13 ёш тоифасидаги кичик ўсмирлар ўртасида қиличбозлик бўйича Ўзбекистон Республикаси Чемпионати ўз ниҳоясига етди.
Мазкур мусобақа ёш спортчилар учун нафақат ғалаба, балки катта тажриба ва келажак сари дадил қадам бўлди. Республикаимизнинг барча ҳудудларидан, жумладан Қорақалпоғистон Республикаси ва Тошкент шаҳридан келган иқтидорли қиличбозлар ўз маҳоратларини намоён этишди.
Чемпионатнинг сўнгги куни эса сабля йўналишида жамоавий беллашувлар билан янада қизғин ва ҳаяжонли кечди.
Ғолиб ва совриндорлар:
Ўғил болалар:
1— Қорақалпоғистон 1
2— Тошкент 1
3— Қорақалпоғистон 2
3— Қорақалпоғистон 3
Қизлар:
1— Қорақалпоғистон 1
2— Жиззах 1
3— Қорақалпоғистон 2
3— Тошкент 1
Ушбу натижалар ёш қиличбозларнинг меҳнати, қатъияти ва ғалабага бўлган ишончи самарасидир.
Барча ғолиблар, мураббийлар ва ота-оналарни табриклаймиз!
