Қиличбозлик бўйича Ўзбекистон терма жамоаси аъзолари айни пайтда пойтахтимиз Тошкент шаҳрида қизғин ўқув-йиғин машғулотларини олиб бормоқда
Қиличбозлик бўйича Ўзбекистон терма жамоаси аъзолари айни пайтда пойтахтимиз Тошкент шаҳрида қизғин ўқув-йиғин машғулотларини олиб бормоқда.
Бу йиғинлар спортчиларимиз учун жуда муҳим босқич бўлиб, улар 27–29 март кунлари Тошкент мезбонлик қиладиган Жаҳон кубоги босқичи ҳамда ёшлар ва ўсмирлар ўртасидаги жаҳон чемпионатига пухта тайёргарлик кўрмоқда.
Машғулотлар жараёнида спортчилар асосан техник ва тактик ҳаракатларни такомиллаштириш, тезкорлик ва чаққонликни ошириш, шунингдек, жанговор вазиятларда тўғри қарор қабул қилиш устида ишлашмоқда. Ҳар бир зарба, ҳар бир қадам – келажакдаги ғалабалар сари ташланган дадил қадамдир.
- “Мураббийлар ва спортчилар ягона мақсад йўлида бирлашган, – дейди Миллий терма жамоа бош мураббийи Ёрқин Ёлдашев. – Ўзбекистон байроғини халқаро ареналарда баланд кўтариш!
Олдинда масъулиятли стартлар турибди, шу боис терма жамоамизнинг меҳнати, иродаси ва ғалабага бўлган иштиёқи уларга катта натижалар олиб келишига ишонамиз”.
