Хошимин шаҳрида Соҳил Кураши бўйича иккинчи миллий чемпионат бўлиб ўтди
Хошимин шаҳрида Соҳил Кураши бўйича иккинчи миллий чемпионат бўлиб ўтди
Вьетнамда Соҳил Кураши бўйича иккинчи миллий чемпионат ўз ғолибларини аниқлади.
Мусобақада мамлакатнинг турли ҳудудларидан келган 100 нафардан ортиқ курашчилар иштирок этди. Эркаклар ва аёллар ўртасида ташкил этилган мазкур чемпионат Хошимин шаҳрининг энг чиройли сайёҳлик марказларидан бири соҳилларида ўтказилди.
Беллашувлар юқори рақобат руҳида ўтди ва спортчилар томонидан техник ҳамда тактик жиҳатдан мазмунли курашлар намойиш этилди.
Сўнгги йилларда Вьетнам курашчилари халқаро мусобақаларда ҳам муваффақиятли иштирок этиб келмоқда. Жумладан, Вьетнам терма жамоаси 2025 йил Жанубий Кореяда бўлиб ўтган Осиё чемпионати баҳсларида 3 та олтин, 2 та кумуш ва 3 та бронза медалини қўлга киритиб, умумжамоа ҳисобида иккинчи ўринни қўлга киритган эди.
Чемпионат баҳслари Вьетнамнинг марказий HTV Sports телеканали орқали эфирга узатилди.
