Xoshimin shahrida Sohil Kurashi bo‘yicha ikkinchi milliy chempionat bo‘lib o‘tdi
Xoshimin shahrida Sohil Kurashi bo‘yicha ikkinchi milliy chempionat bo‘lib o‘tdi
Vetnamda Sohil Kurashi bo‘yicha ikkinchi milliy chempionat o‘z g‘oliblarini aniqladi.
Musobaqada mamlakatning turli hududlaridan kelgan 100 nafardan ortiq kurashchilar ishtirok etdi. Erkaklar va ayollar o‘rtasida tashkil etilgan mazkur chempionat Xoshimin shahrining eng chiroyli sayyohlik markazlaridan birining sohillarida o‘tkazildi.
Bellashuvlar yuqori raqobat ruhida o‘tdi va sportchilar tomonidan texnik hamda taktik jihatdan mazmunli kurashlar namoyish etildi.
So‘nggi yillarda Vetnam Kurashchilari xalqaro musobaqalarda ham muvaffaqiyatli ishtirok etib kelmoqda. Jumladan, Vetnam terma jamoasi 2025 yil Janubiy Koreyada bo‘lib o‘tgan Osiyo chempionati bahslarida 3 ta oltin, 2 ta kumush va 3 ta bronza medalini qo‘lga kiritib, umumjamoa hisobida ikkinchi o‘rinni qo‘lga kiritgan edi.
Chempionat bahslari Vetnamning markaziy HTV Sports telekanali orqali efirga uzatildi.
