Хоразм вилоятида Ўзбекистон кубоги учун камондан отиш бўйича мусобақалар бошланди
Хоразм вилоятида Ўзбекистон кубоги учун камондан отиш бўйича мусобақалар бошланди. Тадбирнинг очилиш маросимида Миллий гвардия, вилоят ҳокимлиги ва Спорт бошқармаси вакиллари иштирокчиларга табрик сўзларини айтиб, уларга муваффақият тилади, шунингдек, ушбу спорт турининг аҳамияти ва эришилган натижаларни таъкидлашди.
Мусобақа Урганч шаҳридаги «Ёшлик» спорт мажмуасининг ёпиқ залида ўтказилмоқда, у ерда 15-ноябргача катталар, ёшлар, ўсмирлар ва кичик ўсмирлар тоифасидаги спортчилар Ўзбекистон кубоги учун беллашадилар. Умумий ҳисобда мусобақада мамлакатимизнинг барча вилоятларидан 230 дан ортиқ спортчи иштирок этмоқда.
Мазкур спорт тадбири камондан отишни кенг тарғиб қилиш, иқтидорли спортчиларни аниқлаш, уларни халқаро мусобақаларга тайёрлаш ва ушбу спорт турини янада ривожлантириш мақсадида ташкил этилган.
