Xorazm viloyatida O‘zbekiston kubogi uchun kamondan otish bo‘yicha musobaqalar boshlandi
Xorazm viloyatida O‘zbekiston kubogi uchun kamondan otish bo‘yicha musobaqalar boshlandi. Tadbirning ochilish marosimida Milliy gvardiya, viloyat hokimligi va Sport boshqarmasi vakillari ishtirokchilarga tabrik so‘zlarini aytib, ularga muvaffaqiyat tiladi, shuningdek, ushbu sport turining ahamiyati va erishilgan natijalarni ta’kidlashdi.
Musobaqa Urganch shahridagi «Yoshlik» sport majmuasining yopiq zalida o‘tkazilmoqda, u yerda 15-noyabrgacha kattalar, yoshlar, o‘smirlar va kichik o‘smirlar toifasidagi sportchilar O‘zbekiston kubogi uchun bellashadilar. Umumiy hisobda musobaqada mamlakatimizning barcha viloyatlaridan 230 dan ortiq sportchi ishtirok etmoqda.
Mazkur sport tadbiri kamondan otishni keng targ‘ib qilish, iqtidorli sportchilarni aniqlash, ularni xalqaro musobaqalarga tayyorlash va ushbu sport turini yanada rivojlantirish maqsadida tashkil etilgan.
