Хикару Накамура: Ҳамма билади — Гукеш абсолют жаҳон чемпиони бўла олмайди
Барселонада бўлиб ўтган тадбирда Хикару Накамура Total Chess World Championship лойиҳасини кескин танқид қилди.
— Биринчидан, кўпчилик ниманидир “жаҳон чемпионати” деб аташ биланоқ, у автоматик равишда нуфузли бўлиб қолади, деб ҳисоблайди. Менинг тушунишимча, Норвегия бу турнирни “Абсолют жаҳон чемпионати” деб аташ ҳуқуқини сотиб олган ва менимча, бунга умуман эҳтиёж йўқ эди. Мен бу номдан фойдаланиш учун FIDE’га лицензия пули тўлайдиганларнинг барчасига шубҳа билан қарайман.
Иккинчидан, бизда жаҳон чемпионатлари ҳам, жаҳон чемпионлари ҳам ҳаддан ташқари кўп. Бренд қадрсизланмоқда ва бу менга ёқмайди. Агар Гукеш ҳақида гапирсак, бироз қўпол туюлиши мумкин бўлган бир фикрни қўшаман: у Абсолют жаҳон чемпионатида ғалаба қозона олмайди. Буни ҳамма билади.
Агар жаҳон чемпионлари жуда кўпайиб кетса, FIDE ҳам ўз нуфузини йўқотади. Чунки классик йўналишдаги жаҳон чемпиони энди дунёдаги энг кучли шахматчи сифатида қабул қилинмай қолади. Бу жараён аллақачон бошланган, аммо шунда вазият янада чалкаш бўлади. Шу сабабли FIDE билан боғлиқ деярли барча масалаларга мен жуда скептик қарайман,
— дея тушунтирди Накамура.
Ушбу тадбирда иштирок этган Магнус Карлсен эса вазиятга нисбатан юмшоқроқ баҳо берди.
— Сўнгги олти-етти йил ичида интернетда шахмат машҳурлигининг кескин ошганидан фойдаланиш борасида FIDE’нинг сай-ҳаракатлари ҳеч биримизни унчалик ҳам ҳайратлантиргани йўқ. Бироқ бироз тезроқ форматларни классик партиялар сифатида ҳисоблаш бўйича сўнгги уринишларни мен ижобий қабул қиламан.
Умуман олганда эса, йилнинг камида 350 кунида FIDE билан ишлашга мажбур бўлмаслигимдан жуда хурсандман,
— дея тан олди Магнус.
Total Chess World Championship Пилот турнирига юртдошларимиздан Нодирбек Абдусатторов ҳам таклиф этилган
Яна икки иштирокчи Номзодлар турнири 2026 якунлангандан сўнг аниқланади
