Хамзат Чимайев ММАдаги фаолиятини қачон якунлашини маълум қилди
UFCнинг ўрта вазн тоифасидаги (84 кг гача) амалдаги чемпиони, БАА шарафини ҳимоя қилаётган 31 ёшли мағлубиятсиз спортчи Хамзат Чимайев ММАдаги фаолиятини қачон якунлаши мумкинлиги ҳақидаги саволга жавоб берди.
«Ҳозир тўхташга ҳали эрта. Охирги жангим олдидан баъзилар мени фаолиятимни якунлашим ҳақида гапиришди. Мен бўлсам ҳали узоқ меҳнат қилишим керак деб ҳисоблайман. Қачонки спортдан завқ олишни тўхтатсам, ўшанда кетаман. Аммо ҳозир мен бахтлиман», — деди спортчи.
Маълумот ўрнида, Хамзат Чимайев Шимолий Америка лигаси тарихида профессионал даражада мағлубиятга учрамаётган ҳолда чемпионлик камарини қўлга киритган 16-жангчига айланди. «Борз» лақаби билан танилган спортчи 2018 йилдан буён ўтказган 15 та жангининг барчасида ғалаба қозонган (шундан 12 таси муддатидан олдин).
