Гандбол. Покистондаги турнирни вакилларимиз ғалабалар билан бошлашди
Покистон давлатида гандбол бўйича U-17 ва U-19 қизлар жамоалари ўртасидаги Халқаро гандбол федерацияси кубогининг III - Марказий Осиё босқичи бошланди.
Мусобақанинг илк учрашувида Ўзбекистон U-17 ва Қирғизистон U-17 терма жамоалари майдонга тушишди.
Учрашувда ўзбекистонлик қизлар рақибларига нисбатан ҳар томонлама кучли эканликларини исботлашди. Табиийки, натижа ҳам шунга яраша бўлди. Якуний ҳисоб – 61:18.
Ҳамюртимиз Илмира Байжанова Ўзбекистон U-17 ва Қирғизистон U-17 терма жамоалари ўртасидаги учрашувининг энг яхши ўйинчиси деб топилди.
Шунингдек, Ўзбекистон U-19 терма жамоаси ҳам мусобақадаги биринчи ўйинини ўтказишди. Бу гал қизларимиз Мўғулистон терма жамоасига қарши майдонга чиқишди. Бу қарама-қаршиликда терма жамоамиз гандболчилари 53:12 ҳисобидаги ғалабани тантана қилишди.
Сўнажон Шарипбоева Ўзбекистон U-19 ва Мўғулистон U-19 терма жамоалари учрашувининг энг яхши ўйинчиси деб топилди
Терма жамоаларимизнинг эртага бўлиб ўтадиган ўйинлари:
Ўзбекистон U-17 -Туркманистон U-17
Покистон U-19 -Ўзбекистон U-19.
