Gandbol. Pokistondagi turnirni vakillarimiz g'alabalar bilan boshlashdi
Pokiston davlatida gandbol bo‘yicha U-17 va U-19 qizlar jamoalari o‘rtasidagi Xalqaro gandbol federatsiyasi kubogining III - Markaziy Osiyo bosqichi boshlandi.
Musobaqaning ilk uchrashuvida O‘zbekiston U-17 va Qirg‘iziston U-17 terma jamoalari maydonga tushishdi.
Uchrashuvda o‘zbekistonlik qizlar raqibalariga nisbatan har tomonlama kuchli ekanliklarini isbotlashdi. Tabiiyki, natija ham shunga yarasha bo‘ldi. Yakuniy hisob – 61:18.
Hamyurtimiz Ilmira Bayjanova O‘zbekiston U-17 va Qirg‘iziston U-17 terma jamoalari o‘rtasidagi uchrashuvining eng yaxshi o‘yinchisi deb topildi.
Shuningdek, O‘zbekiston U-19 terma jamoasi ham musobaqadagi birinchi o‘yinini o‘tkazishdi. Bu gal qizlarimiz Mo‘g‘uliston terma jamoasiga qarshi maydonga chiqishdi. Bu qarama-qarshilikda terma jamoamiz gandbolchilari 53:12 hisobidagi g‘alabani tantana qilishdi.
So‘najon Sharipboyeva O‘zbekiston U-19 va Mo‘g‘uliston U-19 terma jamoalari uchrashuvining eng yaxshi o‘yinchisi deb topildi
Terma jamoalarimizning ertaga bo‘lib o‘tadigan o‘yinlari:
O‘zbekiston U-17 -Turkmaniston U-17
Pokiston U-19 -O‘zbekiston U-19.
