Фузули Хайруллаев: “Плей-оффга тайёргарликни бошлаймиз”
“Oil Star” – “Бунёдкор” (3:1) жамоалари учрашувидан кейин бухороликлар бош мураббийининг ўйин ҳақидаги фикрларини сўрадик.
- Бугунги учрашув учун “Бунёдкор” жамоасига миннатдорчилик билдираман. “Бунёдкор” жамоасига бугун очко сув ва ҳаводек зарур эди. Улардан бугун шиддатли ўйинни кутган эдик. Шундай ҳам бўлди. Бизнинг йигитлар эса кечаги ғалабадан кейин муддатидан олдин плей-офф йўлланмасини расмийлаштиргач, бугун сусткашликка йўл қўйишди. Кейинги ўйинларда бундай хатоларни қилмаслигимиз керак. Олдинда масъулиятли босқич турибди. Жамоамиз юқори мақсад сари ҳаракатланаётган бир пайтда оддий хатолар ҳам қимматга тушиши мумкин. Гуруҳ босқичи якунига етигач болаларга қисқа муддатли дам берамиз ва плей-оффга жиддий тайёргарликни бошлаймиз.
Ушбу баҳсдан сўнг, 5 ўйинда 100% натижа кўрсатган "Oil Star" 15 очко билан биринчи, иккинчи ғалабасини расмийлаштирган "Нефтчи" 7 очко билан иккинчи бўлса, учинчи ўриндаги "Бунёдкор" ҳисоби 3 очко мавжуд. Бундан келиб чиқадики, охирги турда қандай натижа қайд этилишидан қатъи назар "қалдирғочлар" "Нефтчи"га ета олмайди.