Футзал. Ўзбекистон кубоги – 2026 мусобақаси гуруҳ босқичи баҳслари 28-апрел куни старт олади
Мамлакатимиз футзалида нуфузи жиҳатидан иккинчи ўринда турувчи Ўзбекистон кубоги мусобақасининг 2026-йилги баҳслари келаётган ҳафтанинг сешанба куни Жиззах шаҳридаги Вилоят футбол академияси спорт залида старт олади.
Баҳсларни A ҳамда C гуруҳи вакиллари бошлаб беришади. Мазкур икки гуруҳ ўйинлари 28-апрел санасида старт олиб, 2-май куни поёнига етади. Шундан сўнг, B ҳамда D гуруҳи вакиллари курашга киришишади. Бу гуруҳ вакилларининг ўйинларига жиззахлик футзал ишқибозлари 3—7-май саналарида шоҳид бўлишади.
Эслатиб ўтамиз, гуруҳ босқичида ўйинлар бир даврали тизимда ташкил этилади ва унда биринчи ҳамда иккинчи ўринни эгаллаган жамоалар плей-офф босқичига йўл олишади. Чорак финал ҳамда Ярим финал баҳслари май ойининг ўрталарида ташкил этилиши кўзда тутилган бўлса, ФИНАЛ учрашуви июн ойининг дастлабки ҳафтасида Тошкент шаҳрида бўлиб ўтади.
