Футзал. Ўзбекистон аёллар терма жамоаси Австралия устидан ишончли ғалабага эришди
Хитой мезбонлигида бўлиб ўтаётган аёллар футзали бўйича Осиё Кубоги давом этмоқда.
Бугун Ўзбекистон аёллар терма жамоаси Австралияга қарши майдонга чиқиб, ишончли ҳисобда ғалаба қозонди.
Дастлаб, рақиблар 11-дақиқада Daisy Arrovsmit’нинг голи эвазига олдинга ўтиб олганди. Бироқ, вакилаларимиз бу голга муносиб жавоб бера олишди.
14-дақиқада Гулзода Амирова ҳисобни тенглаштирган бўлса, 24-дақиқада Оминахон Валихонова жамоамизнинг иккинчи голига муаллифлик қилди. 38-дақиқада эса Шодия Тошева ҳисобни йирик кўринишга олиб келди.
Эслатиб ўтамиз, футзал бўйича Ўзбекистон аёллар терма жамоаси дастлабки ўйинда Хитой Тайпейига йирик 6:1 ҳисобида имкониятни бой бериб қўйганди.
Аёллар футзали бўйича Осиё Кубоги-2025
Австралия 1:3 Ўзбекистон
Голлар: Daisy Arrovsmit 11' (1:0), Гулзода Амирова 14' (1:1), Оминахон Валихонова 24' (1:2), Шодия Тошева 38' (1:3).
