Futzal. O'zbekiston ayollar terma jamoasi Avstraliya ustidan ishonchli g'alabaga erishdi
Xitoy mezbonligida bo'lib o'tayotgan ayollar futzali bo'yicha Osiyo Kubogi davom etmoqda.
Bugun O'zbekiston ayollar terma jamoasi Avstraliyaga qarshi maydonga chiqib, ishonchli hisobda g'alaba qozondi.
Dastlab, raqiblar 11-daqiqada Daisy Arrovsmitning goli evaziga oldinga o'tib olgandi. Biroq, vakilalarimiz bu golga munosib javob bera olishdi.
14-daqiqada Gulzoda Amirova hisobni tenglashtirgan bo'lsa, 24-daqiqada Ominaxon Valixonova jamoamizning ikkinchi goliga mualliflik qildi. 38-daqiqada esa Shodiya Tosheva hisobni yirik ko'rinishga olib keldi.
Eslatib o'tamiz, futzal bo'yicha O'zbekiston ayollar terma jamoasi dastlabki o'yinda Xitoy Taypeyiga yirik 6:1 hisobida imkoniyatni boy berib qo'ygandi.
Ayollar futzali bo'yicha Osiyo Kubogi-2025
Avstraliya 1:3 O'zbekiston
Gollar: Daisy Arrovsmit 11' (1:0), Gulzoda Amirova 14' (1:1), Ominaxon Valixonova 24' (1:2), Shodiya Tosheva 38' (1:3).
