Футзал. Тўпурарлар пойгасида кураш кескинлашмоқда
Мамлакат миллий чемпионати – Олий лига баҳсларининг тўпурарлар пойгасидаги рақобат кескинлашмоқда. Икки етакчи – Элбек Тўлқинов ва Муаззафар Аҳаджоновнинг пешқадамлик мавқеига жиззахлик “легионерлар” – Hebberth Oliveira ва Jean Aldemiro томонидан жиддий рақобат бошланди. Айниқса бу борада Болтнинг шайхти анча баланд. Oliveira de Jesus Souza Hebberth ўтган мавсум Муаззафар Аҳаджоновдан битта тўпга орқада қолганди. Бу йил ҳам кураш жиззахлик ҳужумчилар ўртасида кечса ажабмас. Сабаби, “Oil Star” ҳужумчиси сўнгги икки турда майдонга тушмайди. Шу пайтгача карвонбошилик қилиб келган Тўлқинов Индонезия чемпионатида иккинчи ўринда бораётган жамоа таклифини қабул қилиб, Жакартага учиб кетди.
10-турдан кейин Элбек Тўлқинов ҳисобида 31 та гол бор. Муаззафар Аҳаджонов рақиблар дарвозасига 27 та, Oliveira de Jesus Souza Hebberth эса 23 та гол киритган.
“BMB PFC” жамоасининг яна бир вакили Jean Aldemiro Silva de Jesus 18 та гол билан тўртинчи ўринни эгаллаб турган бўлса, “Локомотив” ҳужумчиси Бурхониддин Содиқов, ОКМКдан Муаззафар Абдукаримов ва “Насаф” вакили Одилжон Асомов, BMB PFCдан Vitor Manoel da Silva'лар 17 та гол билан кейинги поғоналарни банд этиб туришибди.
SQB ҳужумчиси Дилмурод Шавкатов ҳамда “Локомотив”дан Элдор Нигматовлар 16 тадан гол билан кучли ўнликдан жой олишган.
