Футзал. Тўпурарлар пойгасида Элбек Тўлқинов пешқадам
9-турдан кейин тўпурарлар пойгасида пешқадамлик қилиб келаётган “Oil Star” ҳужумчиси Элбек Тўлқинов ҳисобидаги голлари сонини биттага ошириб олди – 31 та гол. Унинг энг яқин таъқибчиси – “BMB PFC” ҳужумчиси Муаззафар Аҳаджонов ҳам бу турда ўз ҳисобига битта гол ёздириб қўйди – 25 та гол.
“BMB PFC” жамоасининг икки ҳужумчиси эса умумий гуруҳдан бироз илгарилаб кетди. Жумладан, Oliveira de Jesus Souza Hebbert 20 та гол билан учинчи ўриндаги мавқеини мустаҳкамлаб олган бўлса, Jean Aldemiro Silva de Jesus ҳам 18 та гол билан соф тўртинчи поғонага кўтарилди.
“Lokomotiv” ҳужумчиси Бурхониддин Содиқов, СҚБ вакили Дилмурод Шавкатов, ОКМКдан Муаззафар Абдукаримов ҳамда “Oil Star”дан Rohca Batista Leandroлар ҳисобида эса 15 тадан гол бор.
Кейинги ўринларда 14 та гол урган Ихтиёр Ропиев (“Насаф”), Акбар Усмонов (СҚБ), Элдор Нигматов (“Локомотив”), Рамирез Усуга Жонни Алехандро (СҚБ)лар боришмоқда.
