Futzal. To‘purarlar poygasida Elbek To‘lqinov peshqadam
9-turdan keyin to‘purarlar poygasida peshqadamlik qilib kelayotgan “Oil Star” hujumchisi Elbek To‘lqinov hisobidagi gollari sonini bittaga oshirib oldi – 31 ta gol. Uning eng yaqin ta’qibchisi – “BMB PFC” hujumchisi Muzaffar Axadjonov ham bu turda o’z hisobiga bitta gol yozdirib qo’ydi – 25 ta gol.
“BMB PFC” jamoasining ikki hujumchisi esa umumiy guruhdan biroz ilgarilab ketdi. Jumladan, Oliveira de Jesus Souza Hebbert 20 ta gol bilan uchinchi o‘rindagi mavqeini mustahkamlab olgan bo’lsa, Jean Aldemiro Silva de Jesus ham 18 ta gol bilan sof to’rtinchi pog’onaga ko’tarildi.
“Lokomotiv” hujumchisi Burxoniddin Sodiqov, SQB vakili Dilmurod Shavkatov, OKMK dan Muzaffar Abdukarimov hamda “Oil Star”dan Rohca Batista Leandrolar hisobida esa 15 tadan gol bor.
Keyingi o‘rinlarda 14 ta gol urgan Ixtiyor Ropiyev (“Nasaf”), Akbar Usmonov (SQB), Eldor Nigmatov (“Lokomotiv”), Ramirez Usuga Jhonny Alexandro (SQB) lar borishmoqda.
