Футзал. Тартиб-интизом комиссиясининг навбатдаги йиғилиши тафсилотлари
Ўзбекистон Футзал федерацияси Тартиб-интизом комиссиясининг навбатдаги йиғилиши бўлиб ўтди. Унда Олий лиганинг 4-турига доир учта масала кўриб чиқилди.
Олий лига
ОКМК — “Локомотив”
Олий лиганинг 4-тури доирасидаги ОКМК – “Локомотив” учрашувининг 33-дақиқасида ОКМК жамоаси ўйинчиси Самуел Нарcисо Рибеиро Cоста тўп учун курашсиз ҳолатда рақиб ўйинчисининг белига тирсаги билан зарба бергани учун майдондан четлатилди.
Тартиб-интизом комиссияси қарорига кўра, Самуел Нарcисо Рибеиро Cостага нисбатан 3 та ўйинга четлаштириш (дисквалификация) ва 1 (бир) миллион сўм миқдорида жарима интизом чоралари қўлланилди.
“Бунёдкор” — “Оил Стар”
Олий лиганинг 4-тури доирасидаги “Бунёдкор” – “Оил Стар” жамоалари учрашувининг 4-дақиқасида “Бунёдкор” жамоасининг жисмоний тайёргарлик бўйича мураббийи Жасур Содиқов иккинчи ҳакам шаънига ҳақоратли сўзлар ишлатгани учун майдондан четлатилди.
Тартиб-интизом комиссияси қарорига кўра, Жасур Содиқовга нисбатан 3 та ўйинга четлаштириш (дисквалификация) интизом чораси қўлланилди.
“Максам-Чирчиқ”
"Максам-Чирчиқ” жамоаси мусобақа Регламентининг 17.6 ҳамда 20.2-бандлари талабларини бузган. Унга қадар жамоа учта тур якунларига кўра расмий огоҳлантирилган бўлишига қарамай, 4-турда ҳам Регламент талабларини бажармаган.
Тартиб-интизом комиссияси қарорига кўра, Тошкент вилояти жамоаси Қарши шаҳридаги турда ўз шифокорисиз иштирок этганлиги (Регламентнинг 17.6-банди) ҳамда Телеграм, Инстаграм ва Фаcебоок ижтимоий тармоқларида ўзининг расмий саҳифаларини очмасдан, клуб фаолиятини ёритиб бормаганлиги (Регламентнинг 20.2-банди) учун “Максам-Чирчиқ” жамоасига 5 (беш) миллион сўм миқдорида жарима интизом чораси қўлланилди.
Келгусида мазкур камчиликлар такрорланган тақдирда жамоага нисбатан Олий лига мусобақасидан четлаштириш чораси қўлланилиши борасида огоҳлантирилди.
