Futzal. Oliy liga–2025/2026: yubiley gollar xronikasi
Futzal ishqibozlari Oliy liga–2025/2026 mavsumining ilk 6 ta turi davomida bir qator o‘ziga xos yubiley gollariga guvoh bo‘lishdi. Qisqa vaqt ichida yuzlab gollar kiritilishi joriy mavsumning sermahsul kechayotganini yana bir bor tasdiqlamoqda.
Jumladan, chempionatdagi 100-gol 1-tur doirasida bo‘lib o‘tgan “Dinamo” — “Qizilqum” uchrashuvining 30-daqiqasida qayd etildi. Uning muallifi navoiyliklar hujumchisi Alayor Sadirov bo‘ldi.
200-gol muallifi ham “Qizilqum” jamoasi safida harakat qiluvchi o‘yinchi bo‘ldi. Navoiyliklarning braziliyalik legioneri Henrike Suares Gimaraesh 2-turdagi OKMK — “Qizilqum” bahsining 17-daqiqasida ushbu nishonni o‘z hisobiga yozdirib qo‘ydi.
Chempionatdagi 300-gol Qarshining “Nasaf” jamoasi legioneri Ernest Saipidinov tomonidan kiritildi. U 3-turda BMB jamoasiga qarshi uchrashuvning 15-daqiqasida yubiley gol muallifi bo‘ldi.
400-gol 4-tur doirasida o‘tkazilgan “Qizilqum” — “Surxon” uchrashuvida qayd etildi. Termizliklar jamoasi o‘yinchisi Shomansur Shobahromov 26-daqiqada raqib darvozasini ishg‘ol etib, ushbu yubileyni nishonladi.
500-golda ham “Qizilqum” jamoasi ishtirok etdi. Navoiyliklar darvozasiga SQB jamoasining braziliyalik hujumchisi Paxaro Simankis Xose Grigorio tomonidan uchrashuvning 15-daqiqasida kiritilgan gol yubiley sifatida qayd etildi.
Chempionatdagi 600-gol esa 6-turda Jizzax shahrida kuzatildi. OKMK — “Surxon” uchrashuvining 25-daqiqasida Toshkent viloyati jamoasi o‘yinchisi Fazliddin Botirov ushbu tarixiy gol muallifiga aylandi.
