Футзал. Элбек Толқинов сўнгги турда иккита гол урди
Футзал бўйича Индонезия чемпионатида биринчи босқич якунланди. Охирги 22-турда ҳамюртимиз Элбек Толқинов тўп тепаётган "Bintang Timur Surabaya" жамоаси "Unggul" ФК га қарши майдонга чиқиб, 6:4 ҳисобида ғалаба қозонди. Мазкур учрашувда Элбек Толқинов голларнинг иккитасига муаллифлик қилди ҳамда битта ассистни амалга оширди.
Мазкур турдан кейин медаллар учун кураш олиб борувчи тўртик номи маълум бўлди. Унга кўра бугун "Bintang Timur Surabaya" жамоаси "Black Steel Papua” жамоасига қарши паркетка чиқади. Жавоб учрашуви 7 июн куни бўлиб ўтади. Ушбу жамоаларнинг гуруҳ босқичидаги учта тўқнашувидан иккитасида "Bintang" клуби ғалаба қозонган бўлса (7:4, 8:1), яна биттасида "Black" жамоаси зафар қучган - 4:2.
Иккинчи ярим финалда эса "Fafage Banua" жамоаси "Cosmo JNE” клубига қарши баҳс олиб боради.
Финал учрашувлари 12- ҳамда 14-июн кунларига режалаштирилган.