Футзал. «Динамо» «Оил Стар»ни мағлуб этиб, тур сенсациясини қайд этди
Футзал бўйича Олий лига 6-турининг марказий ўйинларидан бирида «Динамо» жамоаси мамлакат чемпионлигига даъвогар «Оил Стар» клубига қарши саф тортди.
Жиззахдаги учрашувда Дилшод Ҳайдарқулов бошчилигидаги Самарқанд жамоаси Бухоро нефтни қайта ишлаш заводи ҳомийлигидаги «Оил Стар» клуби устидан сенсацион ғалабага эришди. 6-дақиқада жамоамиздан Саид Ризо Миршарофов ҳисобни очган бўлса, 20-дақиқада рақиблардан Элбек Тўлқинов мувозанатни тиклади. Ўйин тугашига 4 дақиқа қолганида эса яна Самандар Муродқулов кўҳна шаҳар жамоасига муҳим ғалабани тақдим этган гол муаллифи бўлди – 2:1.
Шу тариқа, «Динамо» 26 очко билан 6-ўринга кўтарилди, терма жамоа етакчилари жамланган «Оил Стар» 35 очко билан 2-ўринда бормоқда.
Олий лига. 6-тур. 4-кун.
8 декабр (душанба)
Оил Стар – Динамо – 1:2
Голлар:
0:1 — Саид Ризо Миршарофов (6ʼ)
1:1 — Элбек Тўлқинов (20ʼ)
1:2 — Самандар Муродқулов (36ʼ)
