Futzal. «Dinamo» «Oil Star»ni mag‘lub etib, tur sensatsiyasini qayd etdi
Futzal bo‘yicha Oliy liga 6-turining markaziy o‘yinlaridan birida “Dinamo” jamoasi mamlakat chempionligiga da’vogar “Oil Star” klubiga qarshi saf tortdi.
Jizzaxdagi uchrashuvda Dilshod Haydarqulov boshchiligidagi Samarqand jamoasi Buxoro neftni qayta ishlash zavodi homiyligidagi “Oil Star” klubi ustidan sensatsion g‘alabaga erishdi. 6-daqiqada jamoamizdan Said Rizo Mirsharofov hisobni ochgan bo‘lsa, 20-daqiqada raqiblardan Elbek To‘lqinov muvozanatni tikladi. O‘yin tugashiga 4 daqiqa qolganida esa yana Samandar Murodqulov ko‘hna shahar jamoasiga muhim g‘alabani taqdim etgan gol muallifi bo‘ldi – 2:1.
Shu tariqa, “Dinamo” 26 ochko bilan 6-o‘ringa ko‘tarildi, terma jamoa yetakchilari jamlangan “Oil Star” 35 ochko bilan 2-o‘rinda bormoqda.
Oliy liga. 6-tur. 4-kun.
8 dekabr (dushanba)
Oil Star – Dinamo – 1:2
Gollar:
0:1 — Said Rizo Mirsharofov (6ʼ)
1:1 — Elbek To‘lqinov (20ʼ)
1:2 — Samandar Murodqulov (36ʼ)
