Ferrari жамоаси АҚШ Гран-приcига катта янгиланишлар пакетини олиб боради
Ferrari жамоаси АҚШ Гран-приcига катта янгиланишлар пакетини олиб боради.
Маранелло жамоаси АҚШнинг Остин босқичига жорий мавсумдаги энг катта янгиланишлар пакетини олиб боради. Кутилаётган янгиланишлар кўлами жамоанинг аввалроқ Майами босқичидаги 11 талик пакетидан ҳам кўпроқ бўлиши кутилмоқда.
Янгиланишларнинг асосий қисми Floor (Пол) билан боғлиқ. Жамоа муҳандислари SF-26 шассисининг остки қисмини тубдан қайта ишлашган, у ҳаво оқимини яхшилаш ва пойга масофасида машинанинг барқарорлигини оширишга хизмат қилади.
Янгиланишларнинг бир қисми эса мувозанат ва юқори тезликда машинанинг орқа қисмида барқарорликни таъминлашга қаратилган. Хабарингиз борки, жамоа ҳайдовчилари Льюис Хэмилтон ва Шарль Леклер кўп марта машинанинг бурилишдан чиқиб, тезликни ошириш пайтидаги орқа қисми беқарорлигидан норози бўлишган. Машинага киритилаётган ўзгартишлар эса айнан шу муаммоларни бартараф этишга қаратилган.
