Ferrari Люис Ҳэмилтоннинг 2026 йилги мавсум учун дубулғасини намойиш этди (фото)
Formula-1 пойгаларида афсонага айланган жамоа — Ferrari етти карра жаҳон чемпиони Люис Ҳэмилтоннинг янги — 2026 йилги мавсумда фойдаланадиган ҳимоя дубулғаси дизайнини жамоатчиликка тақдим этди.
Айни вақтда 41 ёшга тўлган британиялик пойгачи «Қироллик пойгалари»даги дебютини узоқ 2007 йили амалга оширган эди. Ўтган давр мобайнида у саккиз йил давомида (2008, 2014, 2015, 2017, 2018, 2019, 2020) жаҳон чемпиониликни қўлга киритиб, бу кўрсаткич бўйича афсонавий Михаэль Шумахер билан бирга рекордчи бўлиб турибди.
Ҳэмилтон Ferrari сафига 2025 йилги мавсумда қўшилган эди. Скудерия таркибидаги илк йилининг якунларига кўра, тажрибали пойгачи умумий рейтингда олтинчи ўринни эгаллади.
Аввалроқ британиялик чемпион янги, 2026 йилги мавсум олдидан жамоа ичидаги муҳит ва умумий кайфият ҳақида ўз фикрлари билан ўртоқлашиб, Ferrari'нинг келажакдаги мақсадлари юқори эканлигини таъкидлаб ўтган эди.
