«Фенербахче» волейбол клуби тамаки чеκкани учун Эрвен Нгапет билан шартномани бекор қилди
Туркиянинг «Фенербахче» эркаклар волейбол клуби икки карра Олимпиада чемпиони, француз ҳужумчиси Эрвен Нгапет билан ҳамкорликни тўхтатганини эълон қилди. Клуб матбуот хизмати ижтимоий тармоқларда тарқатган расмий баёнотга кўра, томонлар ўзаро келишув асосида шартномани бекор қилишган.
Бироқ Туркиянинг нуфузли спорт нашрлари, хусусан, Sporx тарқатган маълумотларга кўра, шартноманинг бекор қилинишига интизомий қоидабузарлик сабаб бўлган.
Таъкидланишича, 35 ёшли спортчи Ефелер лигасининг сўнгги туридан ўрин олган «Гебзе»га қарши учрашув олдидан, жамоанинг чиғалёзди машғулотлари вақтида арена яқинида тамаки маҳсулотини истеъмол қилаётганида кўриб қолинган. Спортчининг ушбу ҳолати акс этган суратлар мухлисларнинг кескин эътирозларига сабаб бўлди, натижада клуб раҳбарияти Нгапет билан хайрлашишга қарор қилди.
Эслатиб ўтамиз, Эрвен Нгапет «Фенербахче» сафига 2024 йилнинг декабрь ойида келиб қўшилган эди.
