FEI халқаро от спорти федерацияси Жаҳон чемпионатида қатнашувчи иштирокчилар рўйхатини эълон қилди
Ўзбекистон терма жамоасининг икки вакили Жаҳон чемпионатида иштирок этиш ҳуқуқини қўлга киритди.
Бошқа спорт турлари
Sports24.uz'ни Google'га қўшиш
photo: Ot sporti Uzbekistan
Халқаро от спорти федерацияси (FEI) 2026-йил 11–23-август кунлари Германиянинг Ахен шаҳрида бўлиб ўтадиган FEI World Championships Aachen 2026 мусобақасида қатнашувчи иштирокчилар рўйхатини эълон қилди.
Яқин Шарқ, Шимолий Африка ва Марказий Осиё минтақасидан номзодлар қаторида Ўзбекистон🇺🇿 ҳам жой олди. Мазкур ҳудуддан жами 30 нафардан ортиқ спортчи дастлабки рўйхатга киритилган.
Қувонарлиси, Ўзбекистон терма жамоасининг икки вакили Жаҳон чемпионатида иштирок этиш ҳуқуқини қўлга киритди:
Бекзод Қурбанов — Matts VG лақабли оти билан
Абдураҳмон Абдуллаев — Caballone лақабли оти билан
Спортчиларимизни ушбу юксак натижа билан табриклаймиз ҳамда Ахендаги Жаҳон чемпионатида уларга омад ва муваффақият тилаймиз!
Иброҳим Жалолов
Редактор