Фаррух Зокиров: “Иккинчи йўлланма учун кураш давом этади”
Бошқа спорт турлари
Иброҳим Жалолов
Редактор
PHOTO: Telegram
“Нефтчи” – “Максам-Чирчиқ” (3:2) жамоалари учрашувидан кейин фағоналиклар устози Фаррух Зокиров ўйин ҳақидаги фикрларини билдирди.
— “Максам-Чирчиқ” жамоаси билан ўйин жуда муросасиз ўтди, деб ўйлайман. Бугунги учрашув натижаси ҳар иккила жамоанинг плей-оффга чиқишига жиддий таъсир кўрсатарди. Омадимиз келди ва муҳим уч очкони қўлга киритдик. Олдинда “Бунёдкор” билан ҳал қилувчи учрашувимиз турибди. Чорак финал йўлланмаси учун кураш охирги кунги баҳсларда янада шиддатли кечиши кутилмоқда. Бугунги учрашув учун Чирчиқ шаҳри жамоасига ташаккур. Ўз навбатида бугунги ғалаба учун йигитларимга ҳам раҳмат айтмоқчиман.