Еттита учрашув, учта техник мағлубият
Бугун Тошкент ахборот технологиялари университети спорт залида “Талаба қизлар лигаси-2025’’ турнирининг гуруҳ босқичи баҳслари якунланди. 3-турнинг иккинчи ўйин куни олдиндан режалаштирилган учта ўйин ўтказилмади. Учрашувга келмаган жамоаларга техник мағлубият ёзилди.
Эртадан эътиборан плей-офф баҳсларига старт берилади. Эслатиб ўтамиз, Ўзбекистон Республикаси Президентининг “Оммавий ва профессионал футболни ҳар томонлама ривожлантиришнинг қўшимча чора-тадбирлари тўғрисида”ги қарорига мувофиқ Олий таълим муассасаларида таҳсил олаётган қизлар ўртасидаги мазкур мусобақа 31-май санасида поёнага етади.
Қуйида 3-турнинг бугун бўлиб ўтган учрашувларида қайд этилган натижалар билан танишинг:
ЎзМУ – МТУ – 2:0
ЖТСУ – ЎзДЖТУ-1 – 6:0
ТТЙСИ – “Консерватория” – 0:0
УМФТ – ЎТА – 2:3
ЎзДЖТУ-2 – Фан ва Техно – 3:0
ТКТИ – “Дипломатия” –0:3
ТАФУ – "Геология" – 3:0
