Эшкак эшувчиларимиз Aichi–Nagoya - 2026 XX Осиё ўйинларида фурорли натижа қайд этишди
Эшкак эшувчиларимиз Aichi–Nagoya - 2026 XX Осиё ўйинларида фурорли натижа қайд этишди.
2026-йилнинг 23–26-сентябрь кунлари Япониянинг Aichi–Nagoya шаҳрида XX ёзги Осиё ўйинлари доирасида байдарка ва каноэда ҳамда академик эшкак эшиш бўйича бўлиб ўтган баҳсларда спортчиларимиз муносиб иштирок этдилар.
Мусобақалар якунига кўра, спортчиларимиз томонидан Осиёнинг 18 та медали - 3 та олтин, 12 та кумуш ва 3 та бронза медали она ватанимизга олиб келинди.
Академик эшкак эшиш - 1 та олтин, 6 та кумуш, 2 та бронза
Байдарка ва каноэда эшкак эшиш - 2 та олтин, 6 та кумуш, 1 та бронза
Академик эшкак эшиш бўйича
1. Шаҳзод Нурматов ва Собиржон Сафаролиев - LM2x
2. Анна Пракaтен - W1x
2. Дилшод Худойбердиев, Фазлиддин Каримов, Алишер Турдиев, Максим Голубев - M4-
2. Меҳрож Маматқулов, Павел Сорин - M2x
2. Айдана Сметуллаева, Анна Аксенова - W2-
2. Айдана Сметуллаева, Анна Аксенова, Райҳона Сатторова, Мария Сергеева - W4-
2. Шаҳбоз Холмурзаев - M1x
3. Алишер Турдиев, Максим Голубев - M2-
3. Давржон Давронов, Шаҳбоз Холмурзаев, Павел Сорин, Меҳрож Маматқулов - M4x
Байдарка ва каноэда эшкак эшиш бўйича
1. Шоҳсанам Шерзодова - C1-200 m
1. Шаҳриёр Маҳкамов - K1-500 m
2. Шоҳсанам Шерзодова, Нилуфар Закирова - C2-500 m
2. Владлен Денисов, Артур Гулиев - C2-500 m
2. Владлен Денисов - C1-500 m
2. Владлен Денисов, Нилуфар Зокирова - C2 Mix-500 m
2. Арина Танатмишева - K1-500 m
2. Арина Танатмишева, Шаҳризода Мавлонова, Милана Душев, Екатерина Шубина - K4-500 m
3. Арина Танатмишева, Екатерина Шубина - K2-500 m
Бу натижалар мамлакатимизда эшкак эшиш спорт турларига қаратилаётган эътибор, спортчиларимизнинг фидокорона меҳнати ҳамда мураббийлар жамоасининг тизимли ва пухта тайёргарлиги самарасидир.
Энг муҳими, Aichi–Nagoya–2026 баҳслари спортчиларимизнинг халқаро майдондаги салоҳияти ва кучини яна бир бор намоён этди. Улар энг кучли рақиблар сафида муносиб кураш олиб борган ҳолда Ўзбекистон эшкак эшиш мактаби ўз сўзига, ўз кучига ва катта марраларни забт этишга эга эканини амалда исботладилар.
XX Осиё ўйинлари якунларига кўра, делегациямиз атлетлари 21 та олтин, 25 та кумуш ва 24 та бронза - жами 70 та медални қўлга киритиб, қитъадаги энг йирик спорт форумининг умумжамоа ҳисобида 5-ўринни банд этди.
