Эргашевга қарши курашиши керак бўлган Бачков 9-раундда ғалаба қозонди

Кеча, 2 июл куни Истанбулда IBA Pro 7 профессионал бокс турнири доирасида қизғин жанглар бўлиб ўтди. Токио-2020 Олимпиадасининг бронза медалчиси Ованес Бачков Жанубий Африка Республикаси вакили Холисани Ндонгенига қарши рингга кўтарилди.

Бахс 9-раундда рефери томонидан тўхтатилди. Ндонгени нокдаун ҳолатига тушиб қолгани сабаб, унинг мураббийлари рингга оқ сочиқ ташлашди.

Бундай ҳолда, Бачков профессионал фаолиятидаги 8-жангида ҳам ғалаба қозонди. Унинг 7 та жангдаги ғалабаси муддатидан аввал якунланган.

Эслатиб ўтамиз, аслида Бачков ушбу кечада ўзбекистонлик боксчи Шоҳжаҳон Эргашевга қарши жанг қилиши керак эди. Аммо Эргашевнинг жароҳати сабабли ушбу жанг бекор қилинди.

Бакрадзе Иман

Редактор

0 0 0 0 0 0