Енгил атлетика. Финляндияда Анвар Анваров халқаро мусобақада ғолиб бўлди
Ўзбекистонлик енгил атлетикачи Анвар Анваров Финляндиянинг Йоэнсуу шаҳрида ўтказилган Joensuu Motonet GP мусобақасида узунликка сакраш баҳсларида ғолибликни қўлга киритди.
World Athletics Continental Tour 2026 мусобақаларининг Bronze босқичи доирасида ташкил этилган турнирда ҳамюртимиз 7,97 метр натижа қайд этиб, барча рақибларини ортда қолдирди.
Мусобақада мезбон спортчилар — Калле Салминен 7,80 метр натижа билан иккинчи, Каспер Вехмаа эса 7,64 метр билан учинчи ўринни эгаллади.
Анвар Анваров учун ушбу мусобақа ёзги мавсумдаги еттинчи старт бўлди. Спортчи бундан аввал иштирок этган олти та турнирнинг бештасида 8 метр маррасидан ошишга муваффақ бўлган. Хорватиянинг Загреб шаҳрида ўтказилган мусобақада эса аввал Ўзбекистон рекордини такрорлаб 8,25 метр натижа қайд этган, кейинчалик эса уни 8,29 метргача яхшилаган эди.
