Енгил атлетика бўйича учинчи Марказий Осиё очиқ чемпионати старт олди
Олимпия шаҳарчасидаги “Олимпия” стадионида енгил атлетика бўйича катталар ўртасида III Очиқ Марказий Осиё очиқ чемпионати старт олди
Нуфузли тадбирда 300 нафарга яқин спортчи иштирок этяпти. Спортчилар енгил атлетиканинг югуриш, сакраш, улоқтириш ва эстафета йўналишларидаги баҳсларда ўзаро куч синашмоқда.
Мусобақа Марказий Осиё мамлакатлари атлетлари учун ўзаро тажриба алмашиш, халқаро майдонда ўз маҳоратларини намоён этиш ва юқори натижаларни қайд этиш учун муҳим спорт тадбирларидан бири ҳисобланади.
Та'кидлаш лозим, мазкур чемпионат 2027 йилда Хитойда (Пекин шаҳрида) бўлиб ўтадиган енгил атлетика бўйича Жаҳон чемпионати учун муҳим рейтинг балларини тақдим этади.
Маълумот учун югуриш баҳслари “Олимпия” стадионида, техник турлар Енгил атлетика федерацияси стадионида ўтказилади.
