Элбек иккита гол урган баҳсда “Сингтао Хаес” мағлуб бўлди

Кеча футзал бўйича Хитой Суперлигасида 5-тур учрашувларига старт берилди. Турнинг дастлабки учрашувида ҳамюртимиз Элбек Тўлқинов жамоаси – "Сингтао Хаес" сафарда “Спартак”ка қарши майдонга чиқди. Эътиборли жиҳати, бу баҳсни ҳам Тўлқинов голсиз тарк этмади. Элбекнинг икки аниқ зарбасидан сўнг мезбонлар ўйинни майдон марказидан бошлашди.

Аммо ҳамюртимизнинг дубли ҳам жамоасини мағлубиятдан қутқариб қололмади. "Сингтао Хаес" ҳимоя чизиғининг қўпол хатолари сабаб 3:7 ҳисобида имкониятни бой бериб қўйди.

Анасхон Раҳматов ҳамда Ихтиёр Ропиевлар жамоаси – “Хатира” эса эртага "Шанси" клубига қарши паркетга чиқади.

Хитой Суперлигаси
5-тур. 15-май
“Спартак” – "Сингтао Хаес" – 7:3

Иброҳим Жалолов

Редактор