Эдди Хирн Жейрон Энниснинг кейинги жанги ҳақида маълумот берди
Бошқа спорт турлари
Бакрадзе Иман
Редактор
Расм: Fighthype.com
Британиялик машҳур промоутер Эдди Хирн ярим ўрта вазн тоифасида IBF ва WBA камарларига эгалик қилаётган америкалик чемпион Жейрон Эннис (34–0, 30 KO)нинг навбатдаги жанги ҳақида фикр билдирди.
“Биздан: ‘Августда Виржил Ортисга қарши жанг қиласизми?’ деб сўрашди. Биз розилик бердик. Аммо кейин Виржил августгача тайёр бўлмаслигини маълум қилишди. У ажойиб жангчи. Айни пайтда DAZN билан музокаралар олиб бораяпмиз. Менимча, Эннис август ёки сентябрь бошида рингга чиқади. Шундан сўнг Виржил Ортис билан тўқнаш келамиз. Биз ҳар қандай йирик жангларда иштирок этишга тайёрмиз”, — деди Хирн.
Маълумот учун: Жейрон Эннисга тегишли бўлган WBA камари учун ўзбекистонлик Шаҳрам Ғиёсов расмий мажбурий даъвогар ҳисобланади.