Дзюдочиларимиз Белградда ўтказиладиган Чемпионлар Лигасига йўл олишди

22-ноябр куни Сербия пойтахти Белград шаҳрида клублар ўртасидаги Champions League 2025 турнири бўлиб ўтади.

Унда Қозоғистоннинг "Женис" клуби ҳам иштирок этади. Ушбу жамоа таркибида уч нафар дзюдочимиз - Шаҳзодхўжа Шарипов, Шаҳрам Аҳадов ва Париж-2024 Олимпиадаси совриндори Мўзаффарбек Тўрабоев ҳам бўлиб, улар бугун Сербияга жўнаб кетишди.

Яна бир тажрибали дзюдочимиз Алишер Юсупов эса Франциянинг "Пари-Сен-Жермен" клуби сафида Чемпионлар Лигаси турнирида қатнашади. Париж-2024 Олимпиадаси совриндори айни пайтда жамоаси билан бирга айнан Франция пойтахтида бўлиб турибди.

Иброҳим Жалолов

Редактор