Дзюдо. Япония Тошкентга 22 дзюдочи билан келмоқда

Пойтахтимиз мезбонлигида ўтадиган OTP Group Tashkent Grand Slam 2026 турнири стартига тобора оз фурсат қолмоқда.

Бугундан мусобақада иштирок этишини расман тасдиқлаб, ўз таркибларини эълон қилган етакчи давлат жамоаларини таништиришни бошлаймиз.

Шубҳасиз, бу борада илк жамоа — Япония! Дзюдо ватани кучли, жанговор таркиб билан Ўзбекистонга келади. Таркибдан 22 (12 эркак, 10 аёл) дзюдочи ўрин олган. Улар орасида икки карра Олимпиада, тўрт карра жаҳон чемпиони, 13 марта "Катта Дубулға" турнирлари ғолиби Хифуми Абе ҳам бор. Унинг синглиси, Олимпиада ва жаҳон чемпиони Ута Абе эса Тошкент турнирини ўтказиб юборади.

Иброҳим Жалолов

Редактор