Dzyudo. Yaponiya Toshkentga 22 dzyudochi bilan kelmoqda

Poytaxtimiz mezbonligida o‘tadigan OTP Group Tashkent Grand Slam 2026 turniri startiga tobora oz fursat qolmoqda.

Bugundan musobaqada ishtirok etishini rasman tasdiqlab, o‘z tarkiblarini e’lon qilgan yetakchi davlat jamoalarini tanishtirishni boshlaymiz.

Shubhasiz, bu borada ilk jamoa - Yaponiya! Dzyudo vatani kuchli, jangovar tarkib bilan O‘zbekistonga keladi. Tarkibdan 22 (12 erkak, 10 ayol) dzyudochi o‘rin olgan. Ular orasida ikki karra Olimpiada, to‘rt karra jahon chempioni, 13 marotaba "Katta Dubulg‘a" turnirlari g‘olibi Hifumi Abe ham bor. Uning singlisi, Olimpiada va jahon chempioni Uta Abe esa Toshkent turnirini o‘tkazib yuboradi.

Ibrohim Jalolov

Redaktor