Дзюдо. Вакилларимиз Венгриядаги халқаро ўқув-машғулот йиғинида қатнашяпти
Шу кунларда Андрей Штурбабин бош мураббийлигидаги Ўзбекистон аёллар терма жамоаси Венгриянинг Тата шаҳрида бўлиб турибди.
Дзюдочи қизларимиз учун Осиё чемпионатига тайёргарлик вазифасини ўтаб бераётган ушбу халқаро йигин 13-апрелга қадар давом этади. Халқаро йиг'инда 50 га яқин давлатдан 500 дан зиёд дзюдочи қатнашяпти. Терма жамоамиз а`золари машғулотларда жисмоний ҳолатларини янада яхшилаш баробарида катта халқаро тажриба ҳам тўплашяпти.
Венгрияга йўл олган таркиб: Лазиза Ҳайдарова (-48 кг), Халимажон Қурбонова (-48 кг), Сўғдиёна Рафкатова (-52 кг), Шукуржон Аминова (-57 кг), Маржона Нуриллоева (-63 кг), Хуршида Раззоқбердиева (-70 кг), Ширинжон Йўлдошева (-70 кг), Моҳларойим Тўхтамишева (+78 кг), Ирисхон Қурбонбоева (+78 кг)
Мураббийлар: Андрей Штурбабин, Олимбой Олимов, Азиз Ташматов
Шифокор — Нелли Стромм
