Dzyudo. Vakillarimiz Vengriyadagi xalqaro oʻquv-mashgʻulot yigʻinida qatnashyapti
Shu kunlarda Andrey Shturbabin bosh murabbiyligidagi Oʻzbekiston ayollar terma jamoasi Vengriyaning Tata shahrida boʻlib turibdi.
Dzyudochi qizlarimiz uchun Osiyo chempionatiga tayyorgarlik vazifasini oʻtab berayotgan ushbu xalqaro yigʻin 13-aprelga qadar davom etadi. Xalqaro yig`inda 50 ga yaqin davlatdan 500 dan ziyod dzyudochi qatnashyapti. Terma jamoamiz a`zolari mashgʻulotlarda jismoniy holatlarini yanada yaxshilash barobarida katta xalqaro tajriba ham to`plashyapti.
Vengriyaga yoʻl olgan tarkib: Laziza Haydarova (-48 kg), Xalimajon Qurbonova (-48 kg), Soʻgʻdiyona Rafkatova (-52 kg), Shukurjon Aminova (-57 kg), Marjona Nurulloyeva (-63 kg), Xurshida Razzoqberdiyeva (-70 kg), Shirinjon Yoʻldosheva (-70 kg), Mohlaroyim Toʻxtamisheva (+78 kg), Irisxon Qurbonboyeva (+78 kg)
Murabbiylar: Andrey Shturbabin, Olimboy Olimov, Aziz Tashmatov
Shifokor — Nelli Stromm
