Дзюдо. Терма жамоамиз катта таркибда Италия ва Испаниядаги халқаро ўқув-машғулот йиғинларига жўнаб кетди
Бошқа спорт турлари
Иброҳим Жалолов
Редактор
PHOTO: Telegram
Хабарингиз бор, 13-20 июн кунлари Венгрия пойтахти Будапешт шаҳри катталар ўртасидаги жаҳон чемпионатига мезбонлик қилади.
Бугун Астана шаҳрида якунга етадиган "Катта Дубулға" турниридан кейин дунёнинг барча терма жамоалари жаҳон чемпионатига тайёргарлик бошлайди. Шу жумладан, Ўзбекистон терма жамоаси ҳам.
Бундан бир неча дақиқа аввал Александр Будолин ва Андрей Штурбабин мураббийлигидаги терма жамоамиз делегацияси Италиянинг Рим шаҳрига жўнаб кетди. Дзюдочиларимиз у ерда 17 майга қадар ўтказиладиган халқаро ўқув-машғулот йиғинида иштирок этишади. Кейин эса машғулотлар Испаниянинг Бенидорм шаҳрига кўчади. Пиреней ярим оролидаги машғулотлар 23 май кунигача давом этади.