Дзюдо. Осиё чемпионатида қатнашган 20 нафар дзюдочимизнинг бари шоҳсунига кўтарилди
Ўзбекистон ўсмирлар терма жамоасининг Осиё чемпионатида иштирок этган барча 20 нафар вакили Иордания пойтахти Амман шаҳридан медаллар билан қайтади.
Кадетларимиз худди биринчи куни бўлгани сингари иккинчи кунги беллашувларда ҳам сермаҳсуллик кўрсатишди. Аурелиан-Чиприан Флис мураббийлигидаги дзюдочиларимиз иккинчи кун 5 та олтин, 2 та кумуш, 1 та бронза медалини қўлга киритишди. Беҳрузбек Усмонов, Жўрабек Эшпўлатов, Алибек Дурдиев, Зухра Алимова ва Паризода Юлдашева ўз вазн тоифаларида Осиё чемпиони бўлди.
Ўзбекистон дзюдо федерацияси раҳбарияти Аурелиан Чиприан-Флис мураббийлигидаги Ўзбекистон ўсмирлар терма жамоасини Осиё чемпионатидаги муваффақиятли иштирок билан қутлайди.
Осиё чемпионатида шоҳсунига кўтарилган дзюдочиларимиз:
Олтин медаллар
-40 кг: Ифода Сирожиддинова
-44 кг: Дилафруз Болтабоева
-48 кг: Чарос Ҳикматова
-57 кг: Зухра Алимова
-63 кг: Паризода Юлдашева
-50 кг: Акбар Шарипов
-60 кг: Давлатбек Ахроров
-66 кг: Акрамжон Каримов
-73 кг: Беҳрузбек Усмонов
-90 кг: Жўрабек Эшпўлатов
+90 кг: Алибек Дурдиев
Кумуш медаллар
-44 кг: Алина Колючева
-63 кг: Динора Самандарова
-55 кг: Бобур Юсупов
-81 кг: Самандар Суннатов
Бронза медаллар
-48 кг: Моҳинур Оллаберганова
-52 кг: Кумушбиби Эргашева
-70 кг: Пошшажон Жумабаева
-50 кг: Маъмуржон Абдуваҳобов
-60 кг: Абубакр Сатторов
