Дзюдо. Комплекс ёндашувсиз натижа бўлмайди. Парҳез — ғалаба йўлининг муҳим қисмидир!
Ўзбекистон дзюдо федерацияси диетолог-нутрициологи Гулчеҳра Ҳасанова томонидан терма жамоамиз аъзолари учун шу мавзуга мулоқот ўтказилди.
Муттахассисимиз тўғри таомланиш ҳақида гапириб, таркиби шакарга бой газли ичимликлар истеъмоли инсон саломатлигига зарари ҳақида огоҳлантирди. Бунинг оқибатида қандли диабет, ортиқча вазн, юрак-қон томир ҳамда бошқа ички аъзо касалликлар юзага келишини айтди.
OTP Group Tashkent Grand Slam 2026 турнири стартига тобора оз фурсат қолмоқда. Гулчеҳра Ҳасанова биз учун муҳим мусобақа олдидан ҳар бир спортчи ўз вазнини назорат қилиб бориши муҳимлигини таъкидлади. Ортиқча килограммларни бирданига эмас, оз-оздан ташлаб, мусобақа кунигача вазн меъёрини таъминлашга урғу қаратди. Бирданига кўп вазн ташлаш саломатликка зарар етказиши ҳақида огоҳлантирди. Агар тўғри, илмий асосланган ёндашувга таянилса, тўғри вазн ташлаш организм учун стрессларсиз ўтади.
Хулоса аниқ: интизом, тизим ва ўз организмига масъулиятли муносабат бўлган жойда юқори натижа таъминланади.
