Дзюдо. iPhone 17 Pro Max ва пул мукофоти Ўшга йўл олди
"Tashkent Open Judo Kids Cup IV" мусобақасининг икки кунлик беллашувлари якунига кўра турнирнинг "Энг яхши дзюдочиси" аниқланди.
Бошқа спорт турлари
Sports24.uz'ни Google'га қўшиш
photo: Dzyudo Uzbekistan
"Tashkent Open Judo Kids Cup IV" мусобақасининг икки кунлик беллашувлари якунланишига кўра, турнирнинг "Энг яхши дзюдочиси" номи аниқ бўлди.
Бир нечта мураббий ва ҳакамлардан иборат махсус гуруҳ тавсиясига асосан Қирғиз Республикасининг Ўш шаҳридан келган Ааламбек Абиев ушбу номинацияда ғолиб деб топилди ва ташкилотчи "Diplomat Judo Club" томонидан совға сифатида iPhone 17 Pro Max телефони билан тақдирланди.
U15 ёш тоифасининг -50 кг вазн тоифасида чемпионликни қўлга киритган Ааламбек барча беллашувларини муддатидан аввал соф иппон ғалабаси билан якунлади. Абиевнинг мураббийи Илинбек Аттокуровга эса пул мукофоти топширилди.
Иброҳим Жалолов
Редактор