Дю Плесси: «Йил якунига қадар Чимаевни мағлуб этиб, камаримни қайтариб оламан»
Ўрта вазн тоифасида собиқ UFC чемпиони, жанубий африкалик Дрикус Дю Плесси БАА вакили Ҳамзат Чимаевни реванш жангида мағлуб этишни ва йил якунига қадар 84 кг гача бўлган вазн тоифасида UFC камарини қайтариб олишни режалаштираётганини маълум қилди.
«Рақиб келиб, менга қарши жангга тушиши ҳар доим ёқимли, чунки менинг услубим шундай — оммани хурсанд қилишни, мухлисларнинг ҳайқириқларини эшитишни ёқтираман. Бироқ Ҳамзат буни билади ва шунинг учун бундай услубни танлади. Яна бир бор таъкидламоқчиман, бу томоша қилиш учун энг яхши жанг бўлмаганини тушунаман.
Тўғрисини айтсам, бу дахшатли жанг эди, лекин Чимаев ушбу чемпионлик унвонини қўлга киритиш учун нима қилиши керак бўлса, шуни қилди. Бу унинг учун яхши. Менинг вазифам эса — реваншда унга худди шу нарсани такрорлашга йўл қўймаслик ва бунга эришиш ниятимдан.
2026 йил учун оптимистик прогнузим қандай? Мен жорий йил якунига қадар камарни ўзимга қайтараман», — дея Дю Плесси сўзларини келтиради MMA Fighting портали.
